إلى كل معلم و معلمة

السلام عليكم و رحمة الله و بركاته 

فالبداية أحب أهني كل معلم و معلمة على إختيارهم هذي المهنه العظيمة ، فمن وجهة نظري التعليم من أهم و أفضل المهن على الإطلاق ، لأن لولا وجود المعلم ماشفنا لا الطبيب و لا المهندس ولا المحامي ، كل المهن السابقه مهمه بس لو ما كان عندهم معلم جان ماوصلو للي أهمه في الحين ، فالفضل كله بعد الله سبحانه يرجع للمعلم .

 أخي المعلم و أختي المعلمه لا تنسون أن بيدكم رساله سامية و أمانه عظيمه نعطت لكم ألا و هي تربية و إنشاء أجيال بأكملها ابتدائا من الأطفال بالروضه إلى خريجين الجامعات ، هالأمانه كلش مو سهلة بس !! بس إذا حبيناها و استمتعنا في أدائها راح تكون شي خفيف و حلو ممتع بنفس الوقت و ماراح نحس لا بتعب ولا بضيقه ، و لا تنسون إن الطلبه الي جدامكم هم إعيالكم و أخوانكم قبل لايكونون طلبتكم و أي شي بتسوونه لهم راح يرجع لكم سواء كان خير أو شر ، فأن أحسنتوا معاملتهم راح يحسن غيركم معاملة أعيالكم و إخوانكم والعكس صحيح .

و الحين أحب أوجهه رساله خاصه حق كل معلم و معلمة جدد بالميدان ، أولا و قبل كل شي خلو نيتكم بينكم و بين ربكم صافيه و إن كل شي تسوونه خالص لوجه الله عز و جل ، و لازم تشيلون الخوف و الرهبه من قلبكم ماكو شي يخرع كل الي حواليكم بشر مثلكم الفرق الوحيد بينكم و بينهم العمر لا تخافون لا من مدير مدرسه ولا من مدير مساعد ولا من مجهة ولا رئيس قسم كلهم بشر و كلهم معرضين للخطأ ، خلو علاقتكم فيهم حلوه مبنيه على الإحترام المتبادل و (ثقتكم بنفسكم ) هي الي راح تخليهم يثقون فيكم ، فكل ما كانت ثقتكم بنفسكم عالية و كنتوا جاهزين للحصة و محضرين و مستعدين راح تكون ثقتهم فيكم بمحلها ، و في نقطه أحب أوضحها للكل أبدا أبدا لا تخافون من دخول أي شخص للحصة ، و خلكم بكل وقت مستعد لاستقبال الضيوف ، ليش ؟؟ لأنكم أساسا بكل حصة قاعد تقدمون أفضل ماعندكم و الي بتقدمونة بوجودهم قاعد تقدمونه بعدمه . أتمنى لك التوفيق ^_^